ما نوع الحب الذي انت فيه؟

موضوع: ما نوع الحب الذي انت فيه؟ 2008-06-06, 1:07 am

في الموضوع ده يا جماعه انا هقلكم انواع حب غريبة شوية غير اللي انتو عارفينها و غير اللي اي حد قالهالكم قبل كده بس علي فكرة كل الانواع دي موجودة

يا ريت كل واحد يفكر كويس في نوع حبه و يقللي الوصف الصحيح لحبه

اوقات كتير في بداية فترة المراهقة بيبقي الحب عندنا او عند بعض الشباب ناقص او بيبقي مجرد اعجاب و اوقات علي فكرة الحب بيبقي مجرد انتظار لكلمة بحبك من البنت و ساعتها الولد يحس انه ملك البنت دي و تبدا مشاعره تقل تقل تقل لحد ماتنتهي و ده النوع الاول

و فيه ولد يعجب بالبنت من بعيد لكن بعد مايكلمها يلاقيها و هيه ماشيه معاه كده شكلها مش تمام يبدا يقول يا رب محدش يشفني معاها دي وحشة اوي و تبقي هيه ماشية مبسوطة و هوه طالع عينه

و فيه ولد يحب بنت اوي و يعد يقول خلاص انا لقيت بنت الحلال و هفضل معاها و مش عارف ايه و بعد فترة يبدا يقول و يتحجج باي حجج و يقول بس مينفعش نتجوز اصلها مش عارف ايه وانا مش عارف ايه طب ما ده كان باين من الاول جيت افتكرته دلوقتي؟

و فيه واحد بيحب 4 بنات مع بعض او اكتر و المصيبة انه بيعرفهم علي بعض من غير مايعرفوا انهم كلهم من ضمن الشلة بتاعة قلبه و بيعرفهم علي بعض ليه باه علشان يستمتع بنظرات كل بنت ليه و هيه بتحاول تبقي اجمل من التانية و يحاول يخلي كل بنت تطلع اقصي حاجة عندها علشان تعجبه عن الباقي و ساعتها يختار افضل بنت في الاربعة و الباقي سيبك منه

و فيه الولد اللي يحب بجد و يعد كل شوية امتي نتجوز باه و البنت تقله اشمعني يقللها عادي باه و بعدها بفترة امتي نتجوز باه و هكزا لحد البنت يبان عليها الكسوف يقوم قايلها مانتي فهمتي اهه و هوه باه لما يصدق الموضوع ده يتفتح و مايقفلوش

و اولاد تانية كتيييير كل فكرتهم عن الحب تقضية وقت و ان الولد مينفعش يعيش من غير بنت معاه كده علي طول سواء حلوة او وحشة المهم بنت و خلاص